இரண்டு குழந்தைகளை விழுங்கிய குழி; யாழில் நடந்த கொடூரம்!

யாழ்ப்பாணம் மண்டைதீவுப் பகுதியில் வீட்டின் அருகே வயல்பகுதியில் அயலர்களால் பைக்கோ இயந்திரம் மூலம் தோண்டிய குழியில் தவறி விழுந்த ஒரே குடும்பத்தைச் சேர்ந்த சாவிதன் (வயது-7) சார்வின் (வயது -5) கொண்ட சகோதரர்களான இரு சிறுவர்கள் பரிதாபகரமாக உயரிழந்துள்ளனர்.

இச்சம்பவம் இன்று மாலை 5.30 மணியளவில் இடம்பெற்றுள்ளது.

தந்தையார் பணியில் இருந்த சமயம் சுற்றத்தில் விளையாடிய சிறுவர்கள் இருவரும் வயல்பகுதியில் அயலர்கள் வெட்டிய குழியில் தவறி வீழ்ந்து சேறும் சகதியில் சிக்கி உயிரிழந்துள்ளனர்.